السلام عليكم ...

لو حضرتك من مستخدمي Linux وخصوصاً عائلة ال Debian ، وبتفكر تخوض تجربة عائلة ال RPM ، هنا شوية معلومات عن أقوى وأشهر 4 إصدارات لنظام تشغيل ال Linux من عائلة ال RPM :


- OpenSUSE
- Fedora
- RedHat
- CentOS
طيب اختار إيه وعلى أي أساس ؟
ال 4 ما شاء الله كويسين وعاليين جداً ، بس هاتكلم عن خصائص كل واحد فيهم وبعد كده ليكم حرية الاختيار
******************
- بالنسبة ل OpenSUSE فهو من أقدم وأقوى ال distributions في مسار ال RPM واللي مديله القوة دي إنه بيستخدم بكفاءة عالية جداً في ال servers وال desktops ، بس ال default desktop بتاعه هو ال KDE ، فلو انت حابب ال KDE يبقى توكل على الله واستخدم OpenSUSE وحط في بطنك بطيخة صيفي :)
******************
- بالنسبة ل Fedora فهو يعتبر ال distribution الأم في مسار ال RPM لكونه معمول from scratch ، زي ال Depian في المسار التاني ، وده بيديله كفاءة وقدرة عالية في الشغل ... ال Fedora بيعتمد على ال Gnome ك default desktop ، بس بيحصل فيه crashes كتير لما تنزله ك virtual machine عشان كده يستحسن تستخدمه ك host OS مش guest
ال Fedora مافيهوش ولا non-free application في ال repository بتاعته ، وهو ده ال goal بتاع ال community بتاعتهم ، إنهم يخلوا الناس تتعامل دايماً مع ال free apps بس وده في العموم شيء ظريف ... على سبيل المثال حاجة زي ال MP3 codecs أو mozilla flash plugin مش هتلاقيهم موجودين في ال software list بتاعتهم ، فهتلاقيه بيشغل .OGG files بس ، ولو حابب تشغل mp3 هتحتاج تضيف انت ال repository بتاعة ال codecs بنفسك ...
ال Fedora ده bleeding edge يعني كل حاجة فيه جديدة ... أي برنامج هتلاقيه updated لأحدث نسخة ليه ودي حاجة من الحاجات اللي مميزاه ، بس المشكلة إنه بينزل منه نسخة جديدة كل 13 شهر ، ودي حاجة بتخليه مش مفضل أوي في ال servers
فلو انت بتحب ال Gnome ، وبتحب البرامج تكون updated على طول ، وشغال على desktop يبقى ممكن تعتمد على Fedora هيعجبك
*****************
-بالنسبة ل RedHat أو REHL ... ده enterprise distribution يعني بيستخدم في الأغلب في الشركات ... مبني في الأساس على Fedora ، وأصبح بعد كده هو ال sponsor وال fund supporter لل community بتاعة ال Fedora ... عشان كده ال REHL بينزل بفلوس مش free
لكن من ناحية القوة والكفاءة وال technical support وخصوصاً في شغله على servers فال REHL لا يعلى عليه
معلومة أخيره ... بيعتمد على ال Gnome ك default desktop
*****************
-بالنسبة ل CentOS فهو نسخة enterprise برضو زي REHL بس for free ... تقدر تعتبره هو هو ال REHL بالظبط لأنه ناشئ منه ، لكن من غير علامة ال RedHat ولا ال technical support ، بس ليه community خاصة بيه الناس بتقدر تتفاعل من خلاله
ال CentOS ليه نفس قوة ال REHL في شغل ال servers وده لأن النسخ اللي بينزلها بتكون LTS بتقعد ل 7 سنين
زي ما قلنا في الأول إنه نسخة enterprise يعني نسخة للشركات ، والشركات غالباً ما بتحتاج ال linux في تشغيل ال servers .. عشان كده ال software center بتاعها مش هتلاقيه غني أوي بالبرامج زي ال OpenSUSE أو عائلة ال Depian ، بس هتلاقي فيه البرامج الأساسية فقط اللي محتاجها ال OS ده ، عشان كده مش بيكون ممتع أوي لأجهزة ال Desktop ، لكن ميمنعش إنه بيشتغل عليها عادي وخصوصاً إنه خفيف و معتمد على ال Gnome
****************
الخلاصة :
لو حضرتك حابب ال KDE ---> يبقى OpenSUSE هو الاختيار الأفضل والوحيد كمان
لو حضرتك حابب ال GNOME ، وعايز تشتغل على Desktop ---> يبقى Fedora الاختيار الأفضل
لو حضرتك حابب ال GNOME ، وعايز تشتغل على server ---> يبقى REHL أفضل اختيار في حالة ما يكون عندك استعداد تشتري ال OS ، أو لو مش عندك الاستعداد وعايز حاجة بقوة وكفاءة ال REHL وبيقدم نفس الخدمات بالظبط ، يبقى الأفضل CentOS